Soch rahe ho apne career ko ek powerful kickstart dene ka? Toh DRDO ka Naval Physical & Oceanographic Laboratory (NPOL), Kochi aapke liye leke aaya hai ek zabardast Paid Internship program! Ye internship na sirf ek kaam hai balki ek launchpad hai jahan se aap apne sapno ki uran bhar sakte ho.
Is internship mein aapko ₹30,000 ka stipend milega, woh bhi 6 mahine ke liye. Aapko Defence projects pe kaam karne ka mauka milega, jisse aapko real-world research ka experience milega aur saath hi India ki defence technology ko bhi aapka yogdaan milega.
DRDO-NPOL kya hai ?
DRDO (Defence Research & Development Organisation) Bharat ki sabse badi Defence R\&D agency hai jo nayi-nayi technologies aur systems develop karti hai jo Indian Armed Forces ko zarurat hoti hai.
NPOL, DRDO ka ek special lab hai jo Kochi mein located hai. Yahaan mainly underwater sensors, surveillance systems aur oceanographic studies pe kaam hota hai jo Indian Navy ke liye bahut important hai.
Matlab agar aapko cutting-edge Naval Technology pe kaam karna hai, toh yeh internship perfect hai
Internship ki Main Details
- Hiring Body: DRDO – NPOL
- Total Vacancies: 35 (Tentative)
- Location: Thrikkakkara, Kochi, Kerala
- Duration: 6 mahine (01 August 2025 se shuru)
- Mode of Application: Speed Post se bhejna hoga aur saath mein scanned copy email bhi kar sakte ho.
Vacancy Break-up (Discipline wise)
Discipline Vacancies
Computer Science / AI-ML / Data Science 12
Electronics & Communication / EEE / Instrumentation 10
Mechanical Engineering 5
Chemical Engineering / Polymer Science 4
Physics / Opto Electronics 2
Ocean Science / Ocean Technology 2
Eligibility Kaun- Kaun Apply Kar Sakta Hai?
Educational Qualification:
- Aapko full-time UG (B.E./B.Tech) ya PG (M.E./M.Tech/M.Sc) course mein enrolled hona chahiye kisi AICTE/UGC recognized college/university se.
- Aap final year mein hone chahiye.
- Internship aapke curriculum ka hissa honi chahiye, jo endorsement letter se certify hoga.
- 60% marks ya CGPA/SGPA 6.0 hona mandatory hai.
Age Limit:
- Maximum age limit 28 years hai as on last date of application.
Important Dates
- Last Date to Apply: 17th July 2025
- Intimation to Selected Students: July ke last week tak
- Internship Start: 1st August 2025
Stipend aur Benefits
₹30,000 ka stipend milega 6 mahine ke liye, do parts mein:
- Pehle 3 mahine ke baad: ₹15,000
- Internship complete hone ke baad: ₹15,000
Extra Benefits:
- Cutting-edge defence projects pe kaam.
- DRDO ke top scientists se mentorship.
- Official Internship Certificate.
- Strong network build kar sakte ho.
- Future mein PSU ya R\&D sector mein job ka mauka.
- Apne kaam se nation ko contribute karne ka garv.
Selection Process
- Application Screening – Sabse pehle forms check honge.
- Shortlisting based on Merit – Achhi CGPA ho toh chances badh jayenge.
- Interaction Round – VC/Telephonic/Offline interaction ho sakta hai jahan aapki knowledge aur motivation check hogi.
- Final Selection – Interaction + academic record ke basis par.
Kaise Apply Karein ?
Step 1: Official notification se Application Form (Annexure A) aur Endorsement Letter (Annexure B) download karo.
Step 2: Application Form ko block letters mein fill karo, photo chipkao.
Step 3: College ke letterhead pe Endorsement Letter banwao, Head/Principal se sign aur seal lagwao.
Step 4: Enclosures ready karo:
- Govt ID proof (Aadhaar/Voter ID)
- Endorsement Letter
- Semester mark sheets
- Updated CV/Resume
Step 5: Offline (Mandatory) Sab documents ek envelope mein daalo aur likho – “Application for Paid Internship Scheme – 2025 in the discipline of \[Your Discipline]” aur Speed Post karo:
NPOL (DRDO),
THRIKKAKARA PO, KOCHI – 682 021
```
Online (Optional): Ek scanned copy sab documents ki email karo: [hrd.npol@gov.in](mailto:hrd.npol@gov.in ) (Original documents joining ke time dene honge)
Fees: Bilkul free! Koi application fees nahi hai
No comments:
Write comment